

D3185

།[་]@##། །རྒྱ་གར་སྐད་དུ། སིདྡྷཻ་ཨེ་ཀ་བཱི་ར་སཱ་དྷ་ནཾ། བོད་སྐད་དུ། དཔའ་བོ་གཅིག་ཏུ་གྲུབ་པའི་སྒྲུབ་ཐབས། སྔར་བཤད་པའི་ཆོ་གས་སྟོང་པ་ཉིད་བསྒོམས་པའི་རྗེས་ལ། པདྨ་དཀར་པོའི་སྟེང་དུ་ཡི་གེ ཨཱཿདཀར་པོ་ལས་བྱུང་བའི་ཟླ་བ་ལ་ཡི་གེ་དྷཱིཿདཀར་པོ་ཡོངས་སུ་གྱུར་པ་ལས་རྗེ་བཙུན་འཇམ་དཔལ་དཔའ་བོ་གཅིག་ཏུ་གྲུབ་པ་ཞེས་བྱ་བ།སྐུ་མདོག་ཐམས་ཅད་དཀར་བ་ཞལ་གཅིག་ཕྱག་གཉིས་པ། གཡས་པས་མཆོག་སྦྱིན་པ། གཡོན་པས་ཨུཏྤལ་སྔོན་པོ་བསྣམས་པ། ལྷ་རྫས་ཀྱི་ རྒྱན་དང་ལྡན་ཞིང་མཛེས་པ།རྣམ་པར་བཀྲ་བའི་ན་བཟའ་བསྣམས་ནས་སྐྱིལ་ཀྲུང་གིས་བཞུགས་པར་བདག་ཉིད་སྐད་ཅིག་གིས་རྫོགས་པར་བྱས་ལ། མགོ་བོ་དང་མགྲིན་པ་དང་། སྙིང་ག་རྣམས་སུ་ཡི་གེ་ཨོཾ་ཨཱཿཧཱུ~ཾ་རྣམས་དགོད་པར་བྱའོ། །ཱཿའི་ཡི་གེ་དང་ཧཱུཾ་གི་གཉིས་ཀྱི་བར་དུ་ཡང་ ཡི་གེ་དྷཱིཿའི་འོད་ཟེར་གྱིས་འཇིག་རྟེན་གྱི་དོན་བྱེད་པར་གྱུར་པས་གསང་སྔགས་བཟླས་པར་བྱ་སྟེ།ོཾ་རྡོ་རྗེ་རྣོན་པོས་སྡུག་བསྔལ་གཅོད། །ཤེས་རབ་ཡེ་ཤེས་དག་གི་སྐུ། །ཡེ་ཤེས་སྐུ་སྟེ་གསུང་དབང་ཕྱུག་། ར་པ་ཙ་ན་དབང་འདུད། །དཔའ་བོ་གཅིག་ཏུ་གྲུབ་པའི་སྒྲུབ་ཐབས་སོ། །